euskaliritarra

Biziz ikasi

2011-01-18T09:37:00.000-08:00

Baketik bake zentroak, urtarrilaren 22an Baketik-ek biktimekiko elkartasuna lantzeko modulu didaktikoa aurkezten du Donostian.
Bizizikasi pedagogiaren barruan eta Izan proposamenaren ildoan kokatzen da. Modulu didaktiko hau bi ataletan egituratua dago: esparru teorikoa eta iradokizun praktikoak eta zehatzak.

Egun positiboa gaurkoa ikuspegi orokorrean

2011-01-10T08:58:00.000-08:00

Gaurko egunez ETAren ekintzen bukaerako agiria entzun dut irratian. Berri pozgarri bat iruditu zait, baina badakizue, inoiz ez dela euririk izaten denon gusturako.
TESTUA bere KONTEXTUAn
Ez litzaiguke gaizki etorriko gogoratzea, munduko beste toki askotan oraindik gerra eta bortizketria dagoela. Eta bakeak esanahi global bat izan behar duela.
Ea Jody Williams-en bideo honek laguntzen digun dimentsio eta ikuspegi errealagoa ematen.

50 urte bete ditut nik ere

2009-07-29T04:09:00.000-07:00

Aurten 50 urte bete ditut nik ere. Ez da suziriak botatzeko moduko berria, baina gustura sentitzen naiz: bizitzaren erdina aurkituko banintz, gaitz erdi! Nire lagunak ere, eskolako kideak eta kuadrilakoak, pixkanaka pixkanaka, betetzen joan dira-ta...

ZAMA BAT DARAMAT BIHOTZEAN...
Galdakaon bizitzeagatik, beste gauza batzuen artean, "La Dinamita" (Explosivos Rio Tinto lantegia, ERT) bertan egotea jasan behar izan dut, bakezalea izan arren. Kasualitatez, nire familiaren bizimodua, neurri batean, horretatik dependitu zuen sasoi batean; eta Galdakaoko ekonomia ere, nola edo hala.
Lantegi honek, tamalez, historia luzea dauka, heriotzarekin eta gerrarekin lotuta.

SAMINA SORTZEKO MAKINA...
Baina 50 urte hauetan, nire bizitzan izan dudan arantzarik handiena, "si vis pacem, para belum" praktikatzen zutenen karga izan da... Euskadi Ta Askatasuna delakoa hain zuzen ere.
Frankismo garaian jaio ginen, ni eta erakunde armatua ere, baina ekintza oso ezberdinak egin ditugu izaki biok (nik nireak aipatuko ditut bakarrik):

Bakearen alde eta militarismoaren kontra lerratu nintzen aspaldi baten, beste gauza batzuen artean, soldaduskara ez joateko, objetorea deklaratuz, kontzientzi arrazoiengatik, militarrekin ez kolaboratzeko, sistema militarizatu mundiala ez areagotzeko...
Irakaskuntzan arituz, hiritarren heziketa aberastu nahian, bakea hezkuntza eta giza eskubideak bultzatuz, pertsonak ahalik eta garapen hobea izan dezaten, autoestimua eta komunikazioa garatuz...

Egia da pertsonak gure bizitza bideratzeko erabakiak hartu beharrean aurkitzen garela: gure ahalmena gauzarik onenak eta txarrenak egiteko modua ematen digu. Horrela azaltzen du Mireia Urangak ere bideo labur honetan.
Erabat ados nator berarekin! Hezkuntza esparrutik gauza asko egin daitezke bakearen, egiaren eta berradiskidetzearen alde. Zer uste duzu zuk?

OHARRA: Donotsaveme blogarekin bat nator: Ez dut/dugu behar salbatzailerik!

Gure nagusien elkarrizketak Udaberri Galduan

2009-01-19T10:27:00.000-08:00

Oroimen Historikoa berrekuratzeko Udaberri Galduan ekimen interesgarri bati ekin diote: pertsona nagusien elkarrizketak grabatzeari.
FaceBooken talde bat sortzeaz gain, zenbait nagusiren dokumentazioa biltzen ari dira, institutuko gazteei aitona-amonen historiak kontatzeko, material didaktiko batean.
Ideia bikaina, txalotzeko modukoa!
Laguntza emateko moduan bazaude, jende nagusia kontaktatuz, jarri udaberrigaldua(abildua)gmail.com helbidean kontaktuan!

Pertsona bat hil dute

2008-12-03T09:28:00.000-08:00

Gaur eguerdian, bazkaltzera nindoala, aperitibo mingotsa jarri digu telebistak: Ignacio Uria tiroz hil dutela Azpeitian.
Nire tripak astindu ditu berriak: enpresarioa, trena eraikitzen ari zen enpresakoa, ETAk abisua eman zuela, lagunekin bazkaltzera zihoala... Seguru nago alde asko zituela Ignaciok. Baina nik bat azpimarratu nahi dut, oinarrizkoena:
pertsona bat hil egin dutela: aita, senarra, laguna, osaba, pertsonak betetzen ditugun paperak. Eta bere familiak, eta lagunek sentituko dute. Ez dut arrazoirik ikusten pertsona hau garbitzeko, erditik kentzeko. Zergatik?
ELKARTASUNA
Bere ingurukoekin nire elkartasuna adierazi nahi dut; eta bat egiten dut lokarriren adierazpenarekin.
Gehiago jakiteko ikusi bilaketa hau Googlen

Mikel Laboa hil da

2008-12-01T11:52:00.000-08:00

Abendua hastearekin batera, Mikel Laboa joan egin da.
Bere abestien doinua bezala, airean geldituko da Mikelen gogoa.
Hegoak ebaki banizkion... eta nik, txoria nuen maite.
Eta oihartzunak erantzungo du, behin eta berriz:
eta nik, txoria nuen maite!

Oteiza jaio zeneko ehun urte

2008-10-21T23:00:00.000-07:00

Jorge Oteiza jaio zeneko ehun urte ospatzen dira gaurko egunez. Orion, bere jaioterrian, eta euskadiko zenbait basterretan: besteak beste, zortzigarren lurraldean.
Nafarroan ere, bere etxe-museoa dagoen lurraldean, hainbat ekitaldi antolatu dituzte, eta isla izan dute komunikabideetan.
Ikusteko aukera izan dut ere Euskal Telebistan emititutako erreportaia, eta... guztietan argi gelditzen da Jorgek "euskal hiriari" egin dion ekarpena:

askatasuna ideiak adierazteko,
sormena ideia horiei forma emateko, eta
ausardia gauza/forma/espazio ezezagunak saiakera ezberdinekin bilatzeko.

Eskerrik asko Jorge zure balentriagatik!

Gabriel Arestiren omenez

2008-10-14T00:58:00.000-07:00

Urriaren 14an Gabriel Aresti jaio zelaren urteurrena ospatzen da.

Politika 2.0 beste dimentsio bat politikarako

2008-06-23T00:26:00.001-07:00

Uztailaren 5ean, Gasteizko parlamentuan, politika egiteko beste modu bat ireki nahi da: Politika 2.0 izenarekin deitu dioguna.
Parte hartu dezakezu, eta gustokoa baduzu, Meneamen ere mugitu dezakezu.
Zatoz blogo-politikara!

GEHIAGO JAKITEKO/EGITEKO

Kontsultatu Wikipedian kontzeptu hau
Irakurri eta editatu oinarrizko dokumentua (baimena eskatuz jabeari)
Bisitatu eta komentatu topaketaren blogean
Gaia gustokoa baduzu Zabaldu dezakezu euskal blogosferan
Edo Aupatu dezakezu edo/ta Meneamen mugitu dezakezu ere.
Bururatzen zaizuna erantsi blog honetan

Sestaon kalera aterako da CIP-a

2008-04-10T02:54:00.000-07:00

Sestaoko LHIP, edo CIP delakoa, Centro de Iniciación Profesional deritzona, kalera aterako da datorren apirilaren 18an.
Julen Iturbee bere blogean, Artesania en Red, zehaztasun gehiago ematen ditu. Azken batean gazte hauek prestatzen ari dira... kalean bizitzeko!
Bere eragilerik handiena, Iratxe Molinuevo da, bertako irakaslea eta Euskadi Irratiko kolaboratzailea

Emakumeen ahotsa entzun gaur eta egunero

2008-03-08T01:12:00.000-08:00

Martxoaren 8an eta urteko beste egun guztietan ere... emakumeen ahotsa entzun behar dugu!

Euren abotsa entzuteko mikrofonoak eta bozgorailuak ezezik, belarria ere jarri behar da. Eta adimena eta gogoa ulertu ahal izateko.
Gaur egun ona da horretaz pentsatzeko eta erabakiren bat hartzeko.

Gaur eta hurrengo 364 egunetan ere... Gora emakumeak eta gora berdintasuna!

Emakumeen ahotsa entzun!

2008-02-29T02:46:00.001-08:00

Emakumeen ahotsa kontutan eukitzekoa da. Horretarako lehen-lehenengo gauza egin behar dena da... ENTZUN!
Ideia hori ardatz bezala hartuta, Galdakaoko kartelen lehiaketan parte hartu nuen, argazki pare bat aurkeztuz. Orain kartel guztiak, nire biak barne, ikusgai daude, Torrezabal Kultur etxean. Ez galdu denak batera ikusteko aukera!

martxoak8erakus

Lagun baten mesedetan: arraro ala?

2007-12-17T02:44:00.000-08:00

Gaurkoan beste lagun baten gutuna jaso dut: aspaldi ikusi gabeko nire irakasle ohi batena.
Bere familuan gaixotasun arraro bat dutelakoan, medikuek asmatu ezinik dabiltza.
Eta osasun zerbitzu guztiak konbentzitu nahian dabil/tza (bera eta elkarteak) tratamendu duhina jaso ahal izateko.
Eskerrak aurten Maratoia ere, eurei laguntzeko antolatuko duela Eitbk

Lagun baten gomendioa

2007-12-14T09:03:00.000-08:00

Zinebin izan dudan esperientziaren ondoren, lagun (on) batek bideo eder hau bidali dit, nire sentimenduak gozatzeko eta astintzeko. Euskalhirian abestiren bat aukeratu behar badugu, presidenteei kantatzeko, hauxe proposatzen dut
Denori ondo etorriko zaigulakoan, konpartitzen dut: bideoa eta sentipenak.

Jokin Bildarratz Politika 2.0ren bidetik?

2007-12-12T00:20:00.000-08:00

Bildarratz jauna Tolosako alkatea da, beste gauza batzuen artean:

magisteritzan diplomatua,
soziologian lizentziatuta eta aditua,
Etbko langile ohia
Eudeleko lehendakaria

ere bada Jokin.
Politika egiteko modu berezia duela esaten dute ezagutzen dutenek: Politika 2.0 delakoaren bidea hartuko ote zuen?

POLITIKA INTERNETEN
Wikipedian duen sarreraz gain blog bat ere kudeatzen du, Diario Vascoren zerbitzarian. Mugimendu askorik ez duen arren (nire kontaktuek esaten dutenez), herri mailan eta lanean egon den inguruetan lortu duen atxekipena oso estua/altua omen da. Interneteko lurralde librean politika egiteko beste modu bat egongo/sortuko al da? Ikertzen arraituko dugu!!

Blogetan komentatzeko eguna?

2007-12-10T00:37:00.000-08:00

Blog batean irakurri dut, Abenduaren 10ean "blogetan komentarioak egiteko nazio arteko eguna" izendatu nahi dutela gaurkoa.
Anibal de la Torrek adierazi bezala, Web 2.0, eta bereziki blogak "irakur-idazteko" bideak dira. Beraz blogosferan idazteko eguna... den-denak dira!
Badirudi jende askok, "irakurtzeko bakarrik" erabiltzen duela RorPieTh^ honen arabera.
Orokorrean, blogosferan parte hartzeak garrantzia du:

iritzia sortzen laguntzeko
masa kritikoa biltzeko
sinergiak sortzeko...
Web 2.0 jarrera praktikan jartzeko (Teketenek esaten duen estiloan)

Baina euskal-blogosferan are beharrezkoa dela uste dut. Zuk-zeuk nola ikusten duzu hau?
Animatuko al zara/gara blogkoment etiketarekin era honetako track-back, ping-back edo dena-delako komentarioak eginez? Gaur eta.... beti!

GEHIGARRIAK:

Etiketa hau Technoratin jarraitu
Sustatun proposamena irakurri (& komentatu/kritikatu/sustatu)
Proposamena Zabaldu euskal blogosferan

Ortuellan trafiko astuna & arriskutsua

2007-12-03T02:22:00.001-08:00

Hiritar zintzotzat daukat Julen, eta lankide fina izan ohi da orain arte. Blogosferan oso pertsona aktiboa da, eta oraingoan hiritar bezala ere laguntza eskatu dit/digu, zortzigarren lurralde honetan mugatzen garen aprendiz-ei.
hona hemen nire ikuspuntua & ekarpena!
Uriosteko San Antonio auzoarekin zerikusia dauka; bertatik trafiko astuna, arina eta arriskutsua pasatzen omen da.
Julenek kontatzen duenaz gain, periodikuren bat edo beste ere, oihartzun horren isla egin da. Hementxe jartzen dizuet, Julenek Deiatik atera duena, adibide bezala.
Zer uste duzu zuk? Itxaron beharko dugu bueltarik gabeko istripu bat gertatu arte, zerbait egiteko? Ez dago beste zereginik?
Nire ustez ez: Julenek gogoratu bezala, Basurton semaforoa jarri zuten bi umek bizitza galdu zutenean.
Nahi baduzu zabaldu berri hau konponketa bat bilatze aldera edo...

Hiritar guztientzako zientzia

2007-11-03T06:11:00.000-07:00

Zientzia denon eskura egon ohi da, gero eta gehiago:

Batzutan jakin dakigula, konturatzen garelako eta erabaki baten ondorioz, erabili nahi dugulako
beste zenbaitetan, zurrunbilo teknologikoagatik, nahi-ta-nahiez zurrupatuta sentitzen garelako.

Zientzilariek lan makala dute teknologiekin:

batetik zientziaren ikerketa-gaia direlako
bestalde ezinbestekoa dutelako zientzia komunikatzeko eta jakitera emateko

Eta Jesus Ugaldek esaten digun bezala, Artze eloerkaria gogoratuz, askotan "tresneria ta baliapideak ditugu informazioa helerazi ahal izateko, eta ez dugu zer helerazi".
Minutu t'erdian, entzun bere hitzak. Arrazoia izango al du?

Sustatun ikusita Wikipedian ikasita

2007-10-15T08:08:00.000-07:00

Aspaldiko esaera zaharra erabiliz (etxean ikusita, umeak ikasita), teknologi berriei aplikatu nahi diet ideia hau:

Sustatun ikusita, informazioa eskuratzeko tresna garrantzitsu bat delako Sustatu ataria/gunea/lotunea... berri-tokia egunean egoteko
Wikipedian ikasita: ezagutza eskuratzeko, informazioa landu, manipulatu eta gureganatu behar dugulako, elkar-eragiten wiki sistema betez, lan kooperatiboa eginez.

EZAGUTZAREN ERAIKUNTZAN
Zientziaren astean, beste ekintza askoren artean, ezagutza konpartitzeko lehiaketa bat antolatu nahi izan dute:

dakizuna adieraziz
amankomunean jarri
denok ikas dezagun

Talde sormenaren adibide bikaina dela uste dut (crowdsourcing antza!), Jordi Adellek esaten duen bezala.
Animatu zeu ere, zeure ekarpentxoa egiten ere! Euskal Herriaren 8. lurraldeak eskertuko dizu-ta!
OHARRA:
Gai hini buruz egiten/esaten den guztia jarraitu dezakezu Technoratin!

Gaztelumendiko oroimen historikoa

2007-06-11T11:52:00.000-07:00

Igande honetan Gaztelumendi egon naiz oroimen historikoa "freskatzen". Galdakotar blogean egiten ari diren ahalegin berri bat bezala hartuko dut.
Hona hemen emaitza

Bakea & etika behar-beharrezkoak

2007-06-05T10:22:00.000-07:00

Gaurko egunez, etika bakearekin uztartuta bultzatzea, are beharrezkoagoa da.
Horrela egin du Jonan Fernandezek azken 20 urteetan:

Lurraldea koordinadoran sartu zenetik, erantzun etiko bat bilatzen saiatu zen.
Elkarrin egon zen artean hirugarren espazioa indartzen saiatu zen
eta orain etorkizun zabalago eta hobeago bat irekitzen saiatzen ari da Baketik zentrotik

Osasuna eta bakea opa diogu Jonan Fernandezi! Eta berarekin batera euskal hiritar guztiei.
Bakearen gaiari buruz bideo gehiago ikus ditzakezu HezkunTB blogean.
Gainera berri hau zabaldu nahi baduzu, joan Zabladu.com helbidera!

Emakumeen ikusgarritasuna

2006-12-05T14:52:00.000-08:00

Joan den larunbatean Ahotsak plataforma, sekulako ahalegina eginez, mila eta piku luze bat emakume bildu zituen Euskalduna Jauregian, Bake prozesua emakumeen ikuspegiarekin aberasteko.
Baina denok ez dugu berdin ikusten; eta baten batzuk ere, ezikusiarena nahiago dute egin. (Jo Flickrera argazkiak ikusteko)
Igandean bi egunkari erosi nituen eta aldeak oso nabariak dira. Ikusi bestela lehen orrialdeak:

Berrian argazki zabala ateratzeaz gain, informazioaren azaleraren erdia baino gehiago gai honi ematen diote
El Paisen aldiz, aipamenik ere ez dut ikusi

Barrukaldean begiratuta,

Berriak 2. eta 3. orrialdeak eskaintzen dizkio emakumeen ekintzari
El Paisek Pais Vasco delakoaren 3. orrialdea ematen dio, iragarki handi baten ondoan eta biktimen eskariekin batera.

Ez ote zuten harreta gehiago merezi emakume hauek? Ez dute merezi ikusgarritasun gehiagorik? Nire ustez bai!

Pekka Himanen sormenaren alde

2006-11-28T04:23:00.000-08:00

Pekka Himanen finlandiarra Bilbon ere izan da Interneten ikuspegi filosofiko-teknologikoa aberasten.
Munduaren ikuspegi globala ematen hasi zen, orkestra komunikatiboaren eredua azaltzeko bere hitzaldian zehar.
Bukaeran Linus legearen aplikazioak azaldu zituen argiro.
Bere hitzaldiaren laburpen zehatza bezain ona egin zuen moderatzaileak amaitzeko.
Eskerrik asko gure sarea sormenaren ikuspegiarekin aberasteagatik Pekka!

Web 2.0 sare sozialen alde?

2006-10-06T05:01:00.000-07:00

Atzokoan Gasteizko Europa Jauregian Tim O'reilly egon zen, argi eta garbi hitzeginez. Politikan eragina izango ote duen erantzuteraino heldu zen ere!
IKUS&ENTZUNEZKO MATERIALA
Bukaeran solaserako beta eman zigun denori kanape batzuen inguruan. Eta hantxe arrapatu nien Tim galdera hau egiteko: Hezkuntza munduan zer?
Bideoa ere ikusgai dauzu Youtuben!

Euskara & sare sozialak

2006-10-02T01:53:00.000-07:00

EH 2.0 jardunaldietan, beste batzuen artean, sare sozialak sustatzea helburu garrantzitsu bat izan dela uste dut. Bultzatzaileok martxan jari zituzten proposamenaz gain (bipuntuzero tokia, jarraipenerako tresna, e.a.), ideia hori argi azaldu zuen adibidez, Gorka Juliok (Teketen blogaria), egin zuen ekitaldian. Ez zait izen egokiagorik etortzen, energiz eta bibrazio onez beteriko hitzaldi-kantaldi-dantzaldi horri deitzeko.
Norbaitek ez badu sinisten bideoa ikus/entzutea baino ez dauka!

Eta bereziki Software librearen alda, eta euskaraz lan egin nahi dugun pertsonentzat, proposamen potenteak egin ditu Gorkak. Abiapuntua pertsonengan ikusten du, berauek baitira garrantzitsuena (teknologia baliapide inportantea den arren) Eta izaki sozialak garelako, gure arteko estekak ("href-ak" ) eten gabe egin behar ditugula aldarrikatzen du!
Ez sinistu hau, bakarrik nik kontatzen dizudalako: zeuk ikusi/entzun eta irakurri ondoren... sare sozial batean eztabaidatuko dugu!

Txapela buruan ibili munduan

2006-09-30T01:30:00.000-07:00

EH 2.0 jardunaldietan Josu Amezagaren diskurtsoa entzuteko eta gozatzeko aukera izan dut Artelekun egindako bigarren jardunean. Eta diskurtsoa diot, kondaketa oso ondo antolatua eta ezenifikatua egon zelako: chapeau Josu.
Bi esalditan laburtuko nuke nik bere mezua (bukaeran esan zituenak)
* Txapela buran munduan zehar ibili daitekeenez, euskara ahoan (teklatuan, blogean, zerbitzarietan) erabilita mundura joan gaitezke gure nortasunaren ikurra delako
* Talde nortasuna eukitzeko, eta perzibitu ahal izateko, domeinu birtual bat ere euki beharko genukeela (.eus adibidez).

Horregatik bertso jator hura gogoratuz honela abestuko nuke:

Euskara, Euskara jalgi hadi plazara!
Euskara, Euskara, jalgi hadi PC-ra!
Euskara, Euskara, jalgi hadi blogera
Euskara, Euskara, jalgi hadi... Internetera!
(Musikarekin batera Xabier Leteri eta bide batez, Lourdes Iriondori omenaldi txikitxo bat egin nahi nieke)
Norbait animatzen da kantatzen??? Euskara... Euskara... jalgi hadi mundura!

Technorati etiketak: eh20, euskara, JosuAmezaga

Asko ikasteko daukagu emakumeengandik

2006-09-27T09:36:00.000-07:00

Gizonok, zalantzarik gabe, emakumeengandik asko ikasteko daukagu.
Adibidez, bizitza ematen ikasi beharko genuke, gerra krudeletan pertsonak hiltzen eta bizimodua hondatzen ibili baino.
Eta bizitza berri bat aurrera ateratzen zenbat ahalegin egin behar diren ikasi ondoren, jaioberria(k) zaintzen eta etengabe sustatzen ikasi beharko genuke.
Hau guzti hau ez da bakarrik emakumeengandik (& neskengatik ere) sentitzen dudan miresmenagatik.

BAKEAREN ALDEKO PLATAFORMA
Baita ere, azken sei hilabeteotan eman diguten adibideagatik ahotsak izeneko plataforma sortuz eta mantenduz! (askoren erasoen artean) .
Oraingoan Ibarretxek ere, publikoki onartu & proposatu du jarraitzeko moduko eredua dela.
Nik ez dut zalantzarik: emakumeen errenuntzia; hau da, bakoitza nahi duena baino, beste pertsonengatik, komunitateagatik, lagunengatik, familiagatik... ukatu eta bigarren planora pasatu ohi dute euren desioa.
Kasu honetan ere, oilar bakoitza bere gangarra erakusten egotea baino (askotan gizonok ematen dugun itxura da-ta), nahiago izan dute komunean daukatena bilatu eta denen artean adostu.
Matematikan guk "minimo komun multiplo" esaten genion: emakumeen ahotsak ere minimoetan bada ere, adostasuna lortu dute neurri handi & zabal baten: segi adibidea!

Elkarrizketa hasi, bidean abiarazi

2006-06-30T09:38:00.000-07:00

Atzoko egunez elkarrizketa hasteko prest dagoela (eta daudela) berri pozgarria egin zitzaidan. Zapateroren aldetik ondo; mahaikide izango duenen aldetik, hobeto!
Gaur guztion adierazpena positiboak izan dira; eta salbuespenak baieztatzen du araua zuzena dela. Beraz abia gaitezen! eta atzean gelditzen denari, edo gelditu nahi dutenei... abiarazi!
Hori bai, baketsu eta umore onez!
Abesti zaharrak zioen...
Kantatuaz, kantatuaz, zorion eta penak
Kantatuaz xsortzen dira gure itxaropenak!
Elkarrizketatuaz gauzatuko dira guztion itxaropenak, ezba?

Emakumeak korrika bizitzaren alde

2006-06-26T09:02:00.000-07:00

Emakumeen indarrak mundua mugitzen du: zalantzarik gabe! Eta adierazpen eder bat ikusi dugu Emakumeen Laisterketa honetan: estatuko zenbait hiritan bezala, Bilbon ere korrika egindute emakumeek bizitzaren alde!
Eurengandik datorkigu bizi-hazia, eta beraiek ematen digute gizonei (eta emeen-kumeei ere) bizitza.
Zerbait aipagarri ikusi badaiteke emakumeen artean aniztasuna da: era guztietakoak, adin ezberdinekoak, gustuak... koloreak bezala, ugari.
Baina denak pozik, euren ahaleginekin bizitzaren alde aurrera egiteko. 5 Km egin ondoren, indar nahikoa izan dute aerobic egiteko, dantza egiteko, elkarri txalotzeko.
Eta minbiziaren kontra borrokan ari direnei indarra emateko ere.
Oriangoan zutik emakumeak ezezik, Korri Emakumeak esan dezakegu

Enfokea, desenfokea eta enkuadrea

2006-06-18T10:11:00.000-07:00

Gaur goizean egunkaria erosteko orduan, Kazetarien lehen mailako ikasgaia gogratu dut. Errealitatea ikusten dugu hartzen dugun ikuspegiaren arabera.
Eta dardarez hasi naiz: erosten dudan egunkariaren araberako errealitatea azagutuko al dut?
Sineskaitza bada ere, ez du ematen toki berean egon zirenik kazetari bi hauek.
Edo euren ikuspegia hain baldintzatuta zegoen, errealitate berdinaren aurrean, bi berri zeharo ezberdin egin dituzte.
Desenfokatu beharko dugu pixka bat gaia, ikuspuntu berri batetik bere dimentsio egokian ikus ahal izateko.
El Mundoren kasuan oso argi dago zein zen helburua: errealitatearen zati txiki bat aukeratu eta interesaturiko mezu ba botatzea. Mezua bain sakoneko karga bat ere bada nere ustez.
Eta ikuspegi zabalago batetik begira, Berriak gauzak urrunagotik begiratuta, zeharo aldatzen den errealitatearen ikuspegia erakusten digu.

Aspaldiko Erromako jakintsuren batek esan omen zuen...
Ezertxo ere ez da gezurra,
ezer ez da egia!
Dana izango da kristalaren kolorearen... Barkatu! Beste bukaera bat bururatu zait:
Dena izango al da aukeratzen duzun egunkaria????
Gogoetarako beta ederra daukagu.

Lauaxeta berdez pentsatzen?

2006-05-22T09:40:00.000-07:00

Gure olerkariari eskaintza galanta egin dio norbaitek: berdez pentsa dezan alegia?

Suetena berririk onena

2006-03-23T00:35:00.000-08:00

Niretzat, gaurko egunez, badakizue zein den berririk onena? ETAren su-etena!
Bertsotan hasiko nintzateke sentitzen dudan pozarekin, baina... ez dakit!

Ez dakit bertsotan, eta ez dakit, oraindik etxaferoak bota daitezkeen ospatzeko!
Nire poza eta itxaropena konpartitu nahi dut, eta abestiak esaten duen moduan...

Kantatuaz, kantatuaz, zorion eta penak
Kantatuaz sortzen dira gure itxaropenak.

Ea inork ez duen desafinatzen abesti berri honetan!

Gauean gazte, biharamonean nahaste!

2006-03-13T09:44:00.000-08:00

Galdakoko herrian bart gazte eguna ospatu zuten. Biharramonean nahaste izugarria topatu dugu Zabalganeko auzokideok. Gurutzeko Plazan izan zen musika jaialdia, baina eguraldi txarra delata, hainbat gazte inguruko aterpeetatik ibili ziren, solasean, edaten eta jaten (antza denez).Kontatzera noanaren adibide bezala, Gazteen egunaren ondorengo argazkiok dituzue!
Egia esan jaialdia egin zen plazan (Udaletxe aurrekoan) den-dena txukun itxi dute garbitasuneko arduradunek. Baina Zabalgane Plazan, hau da bohotzetik 100 metrotara, egon ziren zenbait gaztek nahaste makala oparitu digute auzokoei.
Ez dakit noren ardura zen(udalarena, garbitzaileena, zikintzaileena, denona pixka bat) baina guri... biharramoneko nahastea jasatea tokatu zaigu.
Begira bestela...
Hurrengoan kontu gehiago eukiko al dugu/duzue/dute? Gutxienez galdakoztarrok eskertuko genuke! Ez duzu/e uste?

Emakumeen alde barniza bakarrik?

2006-03-08T09:35:00.000-08:00

Gizonezkoak, emakumeen alde barniz kapa bat baino gehiago behar dugu.
Gizonon inplikazioa geroz eta handiagoa izan behar du, emakumeen berdintasunaren alde. Denok irabazle aterako garelakoan nago. Batipat, emakumeen askatasuna, denon gizatasunaren alde egiten ari direlako.

GAURKO KOLOREA MOREA DA
Kasualitate bat izango da baina, nire lantokian, gaur bertan, Martxoak 8an, burdinezko hesia, more kolorez margotzen hasi dira langile batzuk.
Irudi hau aprobetxatuz, zera esango nuke: gainditu behar duten (eta dugun) hesia gogorra izan arren, emakumeen berdintasuna beharrezkoa dugu denok. Eta gure inplikazioa, gizonona hain zuzen ere, barniz kapa bat ematea baino haratago doala uste dut. Horretarako... kontatu nirekin bederen!
OHARRA:
Beste norbait apuntatzen al da? Asko pintatzeko omen dugu gizonok gai honetan! Eta eskolaren zeregina ere garrantzitsua da. Ez duzu uste?

Blogen zoramena... baliogarria ote?

2005-12-20T06:58:00.000-08:00

Interneten zabaldu den joera berria komunikazioa eraldatu egin du; baina
norentzat? Edo hobeto esan... zenbatentzat?
Francis Pasaniren iritzitik abiatuta, Interneten web-logak sortu duten zoramena aztertu dezakegu! Edo gutxienez, Komunikazioaren munduan gaur arte sortu duten zurrunbiloa ikusi!
Definizioz Ontziko Liburua edo itsasontzian eguneroko gauzak apuntatzeko
erabiltzen omen zen kaieraren izena (eta izana) hartu du informazioaren
pielagoan nabigatzeko balio digun tresna hau.
Real Academiak honela dio: CdBitácora libro en que se apunta el rumbo, velocidad, maniobras y demás accidentes de la navegación.

Jaiotza duela gutxi izan da: hamarkada bat! Ordurarte Interneten kalitatezko edizio jarraitua gutxi batzuen eskura zegoen: garestia izateagatik, komunikabide edo enpresa potenteentzat zen bakarrik.

Baina egoera hau aldatu zen Dave Winer 1994an software xume bat garatu zuenean: Manila!
Abantaila asko ekarri ditu lan egiteko modu honek:

ez da beharrezkoa HTML hizkuntza menperatzea
nabigatzailearekin (Explorer edo Netscape bezala) zerbitzarian “idazten” da momentuan bertan argitaratuz; eta gainera
fisikoki ez da erredakzioan eserita egon behar. Etxetik, zibertaberna batetik edo Bagdadeko kaleetatik idatzi daiteke, munduan gertatzen dena di-da batean ezagutzera emateko.

Garapena izan du Interneten narratiba berri bat sortuz: gaurko munduaren historia globala eta zatikatua era berean ematen da. Kultura eta komunikazio berri baten atarian gaude: ez dugu idazteko laguntzarik nahi oihukatzen dute blogariek. Ezta erredakzio burua edo gatekeeper bat idatzi ezin duguna agintzeko!
Warlogak sortu ziren Irailaren 11ko atentatuaren ondoren eta Salam Pax edo Where is Raed izeneko bloga ospetsu bihurtu zen Irakeko gerrarren garaian. Honela aitortzen zuen:
"Salam Pax dut izena eta blog-adiktoa naiz. Jente batek goizeko kulebroiak ikusten ditu, eta nik blogak jarraitzen ditut. Irakurtzen ditudan blogen hiperlinkak jarraitzen ditut. Saretik bidaiatzen naiz, blogariek gidatuta.Kontatzen dituzten istorioekin korapilatzen naiz."
Harrezkero The Guardian kazetak bere orrialddetan agertzeko "kontratatu" zuen.
Blogen Funtzionamendua: ekarpena egin ondoren, beste blogari batzuen partaidetzarekin aberastuta, nahiko gratifikatuta sentitzen da egilea: pentsatzen dudana argitaratu ondoren besteon iritziak jaso, eta horrela ondo sentitu naiz!. Ziklo honi EGOaren ekonomia deitu zaio.
Ekologia berri bat sortu dugu: denon artean askoz gehiago dakigu, bakar batek
dakiena baino! Horregatik blog pertsonalaz gain, kolektiboak ere
baditugu. Adibide on bat, euskaraz gainera, Sustatu da. Jabi Zabalaren
hitzetan, blog kolektiboa izanik, hiru ezaugarri betetzen ditu:

albisteak azkar ematea,
eztabaida piztu eta
erreferentea bihurtu.

Beraz, iraultza hau… Zenbatentzat izan/izanen da?

Erreportaiak Prime Time garaian

2005-12-16T01:59:00.000-08:00

Audientzia handiko momentuan, Pime Time delakoan, erreportai interesgarrien emisioak hasi omen dira TVEn. Bai horixe!
"La primeran" (eta ez La Dosen), gaueko audientzirik handiena omen dagoen momentuan, jendearen jakinmina asetzeko moduko dokumentalak emititu dituzte: pertsonen jaiotzari buruz, Homo Sapien edo espeziearen eboluzioari buruz, eta abenduaren 14an Hitlerren azken egunen kontakizuna ikusi ahal izan dugu: "La Ultima Batalla"
Parrillan, hau da, emisio ordutegian, gaueko 10etan iragarrita zegoen.
Baina ordu horretan promo labur bat baino ez zuten eman (minututxo bat) gero... etorriko zena iragartzeko. Jarraian eguraldia eta bere sponsorraren spota (Ypf). Ondoren iragarki gutxi batzuk eta hamarrak eta hamarrean... zast lehen faszikulua:

38 minutuko erreportaiaren lehen zatia.Digestioa egin ahal izateko (gogorra baitzen Berlinen azaldutako egoera) 15 minutuko tartetxo bat kontsumoa sustatzeko.
Bigarren "emanaldia" hamaikak bost gutxiagotan ggb, 25 minutuz. Jarraian beste ordu laurden bat spotekin
Hirugarren tartea ordu erdikoa (30 min) izan zen, hamasei minutuko "komertzialekin" segituz
Azkenean.... azken zatia ikusteko parada izan genuen: 12 minutukoa. Hau da "bukaera" edo klimaxa deskorapilatzen zen partea iragarkiak baino laburragoa zen baina...

Kontuak ez badidate lausotzen, ordu bat eta hiru laurdeneko erreportaia ikusi ahal izateko (60+45=105 min), hiru ordu laurdeneko iragarkiak jan behar izan nituen (47 min hain zuzen ere). Ikuslearen defendatzailearengana jo beharko dut/dugu hau orekatzeko? Edo honela izango al da etorkizuneko telebista? Analogikoa ala digitala, ez dakit. Baina nire ikuspegitik... i-rrazionala!

Guztientzako ordenagailua

2005-10-14T03:01:00.000-07:00

Ume bakoitzeko ordenagailu eramankor bat lortu nahi du Nicolas Negropontek, MIT edo Massachusettseko Teknologi Institutuko buruak. Herrialde pobreetan saltzeko asmoarekin, 100 dolarretan, hau da 83 eurotan, saltzeko asmoarekin diseinatu dute.
Helburua lortzeko "arindu" egin dute ordenagailua: beharrezkoa ez den guztia kendu eta Internetera konektatuta lan egiteko premiazkoak diren gauzak bakarrik jarriko dizkiote. Gehiago jakiteko ikusi El Paiseko artikulu hau!

Komunikazioaren eboluzioa

2005-09-13T01:13:00.000-07:00

Munduaren istorian eta pertsonen eboluzioan, komunikazioa ere aldatuz joan da.
Jordi Adellek lau urrats garrantzitsu zehazten ditu bere ikuspegi pedagogikotik:

Ahozko hizkuntza sortu zenean (100.000 urte?)
Idazten hasi zenekoa (3.000 urte K.A.)
Gutenbergek Inprenta asmatu zuenean (XVI. gz)
Digitalizazioa elektronikaren eskutik hasi denean

Eta Mariano Cebrianen pausuekin bateratu daitezke.
Laugarren urratsa aldiz, Jean Cloutierren Emi-Rec delakoarekin estuki lotuta dago.
Ez duzu uste?

HEZI-Komunikazioa

2005-07-08T08:44:00.000-07:00

Donostiako Udako Ikastaroetan Heziketa eta Komunikazioa uztartzeko ahaleginetan, HEZI-Komunikazioa lantzen ari dira. Hezkuntza saileko Berrikuntza Zuzendariak eta Esther Zarandonak Magisteritza eskolaren izenean, jardunaldiak ireki eta fokatu egin dituzte. Gai honetaz, informazio gehiago eta berri sakonagoak Berrikuntzan irakurri ditzakezu. Jo bertara eta foretan ere iritziak irakurri edo/ta zeurea eman dezakezu!

Web orriak multimediago izango?

2005-06-23T05:18:00.000-07:00

Web orrietan informazio multimedia gero eta gehiago izango al da?
Jean François Fogel, Le Monde digitaleko arduradunak hauxe
aurrikusten du: testu idatziaren kaltetan, berrietan gero eta animazio multimedia gehiago agertuko da, flash formatuan adibidez.

Huescako Kazetaritza digitaleko Kongresuan honela mintzatu da Fogel:
"la importancia del texto en los webs de noticias será cada vez menor con el objetivo de privilegiar una nueva
narrativa en la que la participación de los internautas y los contenidos en formato ’flash’ serán pilares fundamentales. Lemonde.fr cambiará además pronto todo su página, el web presenta ya mejores resultados que su hermano de papel."

Kazetari honen abisua ez ditu denak gustura utzi. Adibidez, software irekiaren aldekoak, hots Barrapuntoko partaideak, erronka berri horri erantzuteko grina azaldu dute.

Euskaraz lan egiteko tresnak

2005-06-06T04:47:00.000-07:00

Sarean zaudenean, zenbait tresna eskura dazukazu, euskaraz lan egiteko edo hizkuntza lantzeko:

Sinonimoen hiztegia
Elhuyar hiztegia
Euskal hiztegi batua
3000 hiztegia
Hiztegi Terminologikoa
Administrazio hiztegia , Parlamentuaren eskaintza bezala
Euskara ingelera soinuduna ta alderantzia (ingeleratik euskarara ere)
Euskaltelen Telekomunikazioen Hiztegia
Euskal GNU-ren itzulpen teknikoetarako Laguntza
eta kontrasterik behar baduzu, jo hauetara: Real Academia
de la Lengua Española

DAUKANARI DARIO!

2005-05-30T01:12:00.000-07:00

Jon Aizpurua eta Mari Carmen Odriozola, Euskadi Irratiko esatariak, Leioako Kazetaritza Fakultatean egon dira. 2004-05 kurtsoko Idazketa Irrati eta Telebistan ikasgaiaren bukaeran. Ikasleei zuzeneko esperientzai ezagutzeko aukera emateko, Jotxo Larrañagak aurre-aurreko saioa antolatu du, bere ikasleek, bi kazetarion jakituria iturburutik bertatik edan ahal izateko.
Irratiaren informazio iturriak azaldu ondoren, teknologiak lan ingurunea nola aldatu/baldintzatu duen azaldu dute. Audientziaren presioa ere azaldu dute, esatarien profesionaltasunean zein eragin duen adieraziz.
Bukatzeko profesionaltasunaren giltzak zehaztu dituzte:

Jakitea oso garrantzitsua da: zure burua jazteko 24 orduz "konektatuta" egon behar dudu (seinale-on?)
Komunikatzean entzulearen arreta lortu behar duzu: ideiak errepikatuz eta abotsarekin deiak eginez

OROjakileak ez garenez, umiltasunez onartu behar da gauza guztietaz... ez dakilgula! Ikasteko beraz, kuriositatea piztu, asko irakurri eta irratia entzun (hemengo eta hangoa, publikoa eta komertzialak, geurea eta konpetentzia!)
Nolabait esateko DAUKANARI DARIO! Eta eukitzeko... ikusi eta entzun behar da!

Komunikazioan Hezi

2005-05-30T00:56:00.000-07:00

Aula Media erakundeak antolatuta, Hezkuntza eta Komunikazioa uztartzeko ahalegin berri bat egingo dute Bartzelonan: Educació en Comunicació gaiaren inguruan foro bat.
Irailaren hasieran izango (6tik8ra)da eta partaidetza bultzatu nahi dute hezkuntza komunitatearen agente guztien artean:

Irakasleak (professorat)
Kazetariak (periodistes)
Erakundeak (administracions)
eta Gurasoak (a més de pares i mares)

Berdeguneak berde ala marroi?

2005-05-23T07:34:00.000-07:00

Arrigorriaga & Galdakao hain urrun ?
Oso zaila da jakitea zergatik gertatzen den hau Baina errez antzematen da: Galdakaoko berdeguneak eta Arrigorriagakoek ez dute zerikusirik!!

euskalagendatik

Galdakaoren inguruan dauden parkeak eta solaserako tokiak oso txarto daude. Hemen ikus dezakezue Lekubasoko presaren azpian dagoena.
Eta arrigorriagakoak, adibidez, ondo zaiduta, jendearen atsedenerako eta hitz batetan esateko GOZATZEKO!
Horregatik nire galdera da Hain urrun daude bi herri hauek? Kilometrotan ez baina ingurunearen zainketan bai! Eta herritarren atseden-lekuetan ere alde handia dago!

2005-05-23T07:31:00.000-07:00

SMSak pantailan sartzea, modan jarri da. Telebistako errealizazioa eraldatuko al da?

euskalagendatik

Komunika-Zioa

2005-05-23T06:13:00.000-07:00

Komunikazioaren inguruan gai asko jorratu daitezke, batipat gaur egun, gure ingurune guztia "tekno-komunikatuta" dagoenean. Baina sakoneko galdera zera da: noren zerbitzuan dago sistema guzti hau?
Hego Amerikan esaterako, korronte funtzionalistari ikuspuntu kritikoa aplikatzen diote, eta Antonio Pasqualiren jarraitzaileek analisi politikoa ere erantsi diote.
Honi buruz luzeago edo/ta sakonago irakurri nahi baduzu, hementxe daukazu zer pentsa ematen duen testua!

Komunikazioa al da giltza?

2005-04-28T10:43:00.000-07:00

OETI edo "Observatorio Europeo de la Televisión Infantil" delako erakundeak bultzatuta, Madrilgo Adierazpena edo La Bahia de los 5 vientos delakoa, izen bereko erakundearen tokian ikus dezakezunez, hezkuntza eta hedabideak uztartu nahi ditu.

Gaur goizean ikusita ... ala ameztuta?

2005-04-21T04:44:00.000-07:00

Gaur goizean lanera nentorrela, irudi bitxi bat ikusi dut! Eta zuekin,
euskal hiritar guztiokin, konpartitu nahi nuke: euria dela medio,
paperaren berezitasunei esker, tinta ezberdinen euskarriak nahatuz, ...
ezinezkoa den irudi bat agertu zait.
Ameriketan ikusi duten autopistapeko Ama Birgina bezala izango al da?
Auskalo! Baina nik zuekin eztabaidatu nahi dut, ea hau gerta ote zitekeen "mezu politikoekin".

Eta ametsetan ote nengoen jakiteko, autorik atera eta argazki kamara digitalarekin hasi naiz "disparatzen". Ez dut sorte onik izan, errealitatea desitxuraturik atera zaidalako berriz ere. Begira bestela abiaduraren ondorioz nola islatu den abiaduran zihoan autoa!

Bide bazterretik gauzak ezberdin ikusten direlakoan, bustitzea erabaki dut (iragarki instituzionalak esaten zuen bezalaxe: busti zaitez!)
Aterkirik gabe, lokatza zapalduz eta kamara digitalaren laguntza bakarrarekin, kartela hurbilagotik ikusteko asmoak gidatu nau soloaeren barrenean. Ez dut asko aurreratu egurra gertu-gertutik sentitu ahal izateko: niretzat ote zen "egur" metaforiko hau? Politikariontzat
izango al zen? Baserritarraren lan neketsuaren ondorioz bildutako multzo hau alferrik galduko al da?

Pilo hau ez da errez sutan jarriko; baina inolaz ere euskal hiritarrok ez genuke nahi gure ilusio, gogo eta nahi guztiak kea bezala galdu daitezen, politika-keriaren haizeek eramanda. Nik gutxienez, zintzo diotsuet, gaurko goiz euritsuan ikusitako mezu itxaropentsu hau irakurri nahi nuke geure herriko eguneroko errealitatean:
Denok irabazten atera gaitezen, denok erabakiko dugu, denon artean
eraikiko dugu, denontzat egoera libreagoa izan dadin .... Etorkizuna
guztiontzat bermatuta egon dadin eta hobea izan dadila! Guztiok, guztiekin ... GUZTIONTZAT

......................................................................................................................................... PROFESIONALENTZAT 5 galdera nagusi, W BIKOITZAK delakoak:

Who edo NOR (nork): Pertsonok egina ala naturak egokituta?
What edo ZER Egia ala ametsa ote da?
When edo NOIZ zirkunstantziala izango al da ala tendentzia bat markatuko du aurrerantzean?
Where edo NON Galdakaoko Bengoetxe auzoan nengoen baina .....
Why edo ZERGATIK arrazoirik ez dut aurkitu oraindik: sorginkeriren bat? Harry Potterren botereen ondorioa? Mari edo Ama Lurren poderioz egina?

Nire seigarren galdera hauxe da, How edo NOLA, zuekin konpartitu nahi dudana: Nola uztartu daitzeke politikoen mezuak eta denon onerako bideak, denok irabazle ateratzeko irtenbideak? Zuen erantzunaren zai .... euskaliritar bat! (Josi)

WEB orriak editatzeko aplikazio LIBREA!

2005-04-04T04:05:00.000-07:00

Web orriak egiteko software librea jadanik eskura!
Software Librearen HTML orrien editorea eskuratu dezakezu eta errez errez erabiltzen hasi. Nvu programa Linux, Windows eta Machintosherako garatu dute Linspire taldekoak (lehen Lindows izenarekin ezagunak).
WYSIWYG filosofiarekin egina, Dream Weaver edo Front Pageren parekoa dela esaten dute sistema eragile libreen zaleak.
Hori horrela denentz jakiteko frogatzea baino ez duzu deskargatuz Nvuren lekutik

Bere aldeko iritzia hainbat jendek eman du, baina punturik indartsuenak hauexek dira:
1. dohakoa da eta ez zara arazo "legaletan" sartuko
2. Ikusten duzuna agertuko da pantailan (What You See Is What You Get)
3. Erabiltzaile anitza bazara (Linux eta Windows, edo Mac eta Windows) programa bakar batekin lan egin dezakezu ingurune bietan
4. Filosofia irekiaren alde egin dezakezu orri bakoitzean: jarri zure web orrietan "Document made with Nvu" esaldia. Egileen orrian aurkituko duzu kode egokia esaldi hau ager dadin!

Interneten bidez ... zerura?

2005-03-31T01:13:00.000-08:00

KOMUNIKAZIOA = KOMUNIÑOA??
Aste Santu honetan eliza bat bisitatzea ez da gauza arraroa. Baina bertan topatu dudana kontatuko banizue?.
Urduñako Ama Birginaren itzalean, zerura iristeko bide-zidor bat aurkitu nuen: Internet! Begira bestela, Antiguako eleizan eskuratu nuen Caritasen orri hau: Gasteizko Elizbarrutiaren Apirileko buletinean gauzatzen da miraria. Eta nola du izena? KOMUNIKAZIOA!

KOMUNIKAZIOA DA GILTZA!
Bertan ikus dezakezuenez, 3 tailerretan landuko dira gaur eguneko komunikazioaren oinarrizko lanabesak:
* Web orrien diseinua
* kartelak eta informazio-triptikkoak
* jendaurrean hitzegiteko baliapideak
Honela bai ezba? Holaxe komunikazio hobeagoa lortuko dugulakoan nago.
Bai kristauak komuniñoan zeruetako Jaungoikoarekin, bai bestelakoak ere geure artean komun_ikatzen!
Nire amamak esaten zuenez ... hamaika ikustekoak gara!!
Eta ikastekoak??

Hasteko eta bat ... aurkeztu!

2005-03-29T09:03:00.000-08:00

Nire izena Josi da eta nire izana ... euskal-iritarra.
Ez dakit jadanik izan naizen euskaliritar bat edo besterik gabe amets egiten dudan etorkizunean, beste euskaldun guztiekin batera, Bernardo Atxagak esaten duen bezala, euskaliritarrak bihurtuko garela.
Banaizelako, edo izan nahi dudalako, zuekin guztiokin nire eguneroko ametsak eta egundoko lanak konpartitu nahi ditut: iritziak, proposamenak, ekoizpen multimedia, aldarrikapenak (adibidez bizikletaz bizitza gorritzeko), eta nirekin konpartitu nahi duzuen bestalako guztia!!